168.am-ի հետ զրույցում կիրանցեցի Գոհար Վարդանյանն ասաց՝ Կիրանց են գնացել Նիկոլ Փաշինյանը, ՔՊ-ականները, և եթե նրանք կարծում են, որ կիրանցեցիները գոհ են այն ամենով, ինչ տեղի ունեցավ, կարող էին հանդիպել բնակիչներին, վերջիններս իրենց «գոհունակությունը» կհայտնեին անձամբ իշխանական պատգամավորներին։
«Մենք մեր դոմիկի մեջ ավտոմասեր էինք վաճառում, այն անցնելու է թշնամու հսկողության տակ, բայց չենք հանել ու չենք էլ հանելու, իսկ իշխանության առաջարկած փոխհատուցումից հրաժարվել ենք, մեզ պետք չէ։ Եթե իշխանությունները կգան հանեն դոմիկը, թող հանեն, ինչ ասեմ, ես չեմ հանելու»,- նշեց Ռուդիկ Ավալյանը։
