Գագիկ Ծառուկյանն ու Նիկոլ Փաշինյանը հանդիպել են
Ազգային ժողովի «Ելք» խմբակցության ղեկավար Նիկոլ Փաշինյանն ու «Ծառուկյան» խմբակցության ղեկավար, «Բարգավաճ Հայաստան» կուսակցության առաջնորդ Գագիկ Ծառուկյանը հանդիպում են ունեցել ապրիլի 25-ին:
Այս մասին «Ֆեյսբուք» սոցիալական ցանցի իր էջում գրառում է կատարել Փաշինյանը՝ տեղեկացնելով, որ արծարծել են ներքաղաքական իրավիճակին առնչվող հարցեր: «Քննարկեցինք ստեղծված ներքաղաքական վիճակը և հնարավոր լուծումները։ Քննարկումները կշարունակվեն»,-գրել է Փաշինյանը:
ԲՀԿ-ն ապրիլի 23-ին հայտարարել էր Փաշինյանի ղեկավարած շարժմանը միանալու մասին:
