Զատկից առաջ Վրաստանի նախագահը ներում շնորհեց 64 դատապարտյալների
Վրաստանի նախագահ Գիորգի Մարգվելաշվիլին Զատկի տոնից առաջ ներում է շնորհել 64 դատապարտյալների: Այդ մասին հայտնել է Վրաստանի հանրային հեռարձակման Առաջին ալիքը՝ վկայակոչելով դատապարատյալների համաներման պետական հանձնաժողովի նախագահ Զվիադ Քորիձեին:
Ներման արժանացածներից 41-ը բանտային հիմնարկությունը կլքեն արդեն այսօր: Ինչ վերաբերում է մնացած 23 դատապարտյալներին, որոնց թվում կան ինչպես որոշակի ժամկետով ազատազրկվածներ, այնպես էլ անժամկետ բանտարկվածներ, ապա նրանց պատժաժամկետները կրճատել են:
Քորիձեի խոսքով՝ ներման արժանացածների մեջ կան երեք կին եւ երկու անչափահաս: Համաներման հարցերով զբաղվող հանձնաժողովն աշխատել է մարտի 28-ին ու 29-ին եւ քննել է 335 դատապարտյալների գործեր, հաղորդել է Sputnik-ը:
