Սպիտակեցնում ենք արմունկների և ծնկների մաշկի գույնը
Արմունկների և ծնկների հատվածում մաշկն ավելի մուգ է և թեփոտ։ Խնամքի բացակայությունն ավելի է վատացնում այդ հատվածում մաշկի որակը։ Steptohealth.ru-ն գրում է, որ առաջարկվող բնական կրեմը կօգնի ազատվել այս տհաճ խնդրից։ Այն պատրաստվում է կաթից ու վիտամին E-ից, օգնում է սպիտակեցնել մգացած մաշկը և կողմնակի ազդեցություն չունի։
Նշված բաղադրիչները հակաօքսիդանտ հատկություններ ունեն, կանխում են մաշկի վաղաժամ ծերացումը։ Կիտրոնն ու գլիցերինը ուժեղացնում են դրանց ազդեցությունը։
Բաղադրիչներ
- 1 թեյի գդալ գլիցերին՝ 5 մլ
- 5 ճաշի գդալ կաթի փոշի՝ 50 գրամ
- կես կիտրոնի հյութ
- 3 պարկուճ վիտամին E:
Պատրաստման եղանակը
- Կաթի փոշին լցրեք մաքուր տարայի մեջ, ավելացրեք գլիցերինը։
- Խառնեք փայտե գդալով, մաս-մաս ավելացրեք կիտրոնի հյութը։
- Շարունակելով խառնել՝ ավելացրեք վիտամին E-ն։
- Երբ խառնուրդը պաստայի նմանվի և միասեռ դառնա, այն պատրաստ է օգտագործման համար։ Կարող եք օգտագործել այն հատվածներում, որտեղ մաշկի գույնը մգացել է։
Օգտագործման եղանակը
- Կարևոր է հիշել, որ այս կրեմը կարելի է օգտագործել միայն երեկոյան ժամերին՝ քնելուց առաջ։ Կիտրոնի հյութի հետ շփվելուց հետո մաշկը չի կարելի ենթարկել արևի ճառագայթների ազդեցությանը։
- Կրեմն օգտագործելուց առաջ հարկավոր է լավ մաքրել մաշկը, հեռացնել փոշին ու կեղտը։
- Կրեմը քսեք մաշկի մգացած հատվածներին, նուրբ, մերսող շարժումներով։
- Թողեք 20-30 րոպե։
- Նշված ժամանակահատվածի լրանալուց հետո կրկին մերսեք մաշկը, կրեմի մնացած մասը լվացեք տաք ջրով։
- Մաշկի այդ հատվածները չորացրեք փափուկ սրբիչով, խոնավեցնող կրեմ քսեք մաշկին։
- Պրոցեդուրան հարկավոր է կրկնել շաբաթվա ընթացքում նվազագույնը երեք անգամ, քանի դեռ ծնկների և արմունկների մաշկը չի սպիտակել։
Նյութը հրապարակման պատրաստեց 168.am-ը
