Լոնդոնի կենդանաբանական այգում օկապիի ձագին կոչել են արքայազն Հարիի հարսնացուի անունով
![](https://168.am/wp-content/uploads/2018/01/919356.jpg)
Լոնդոնի կենդանաբանական այգու աշխատակիցներն օկապիի կամ անտառային ընձուղտի ձագին կոչել են ամերիկացի դերասանուհի Մգան Մարքլի պատվին, որի հետ նշանադրության մասին ավելի վաղ հայտարարել է բրիտանացի արքայազն Հարրին: Այս մասին հաղորդվում է կենդանաբանական այգու կայքում:
Մեգան անունն, ինչպես նշվում է, առանձնապես է սազում նորածին կենդանուն, քան որ երկկճղակավորների այս տեսակը 1901 թվականին պատահաբար հայտնաբերել է մի այլ Հարրի՝ ճանապարհորդ Հարրի Ջոնսթոնը: «Ծնունդը միշտ էլ տոնի առիթ է, սակայն Մեգանի լույս աշխարհ գալը հիանալի հնարավորություն է ուշադրություն հրավիրելու օկապիների նկատմամբ, որոնք գտնվում են անհետացման սպառնալիքի տակ»,- ասել է կենդանաբանական այգու աշխատակից Ջեմմա Մեթքալֆը:
Օկապիի ձագը ծնվել է անցյալ տարվա դեկտեմբերի 9-ին եւ արդեն հասցրել է ամրանալ: Ջոնսթոնի օկապին իր տեսակի միակ ներկայացուցիչն է, որը միաժամանակ նման է ընձուղտի, ձիու եւ զեբրի, հաղորդել է ՏԱՍՍ-ը: