Հայաստանի ռուսական ռազմակայանի զինծառայողները դեսանտագրոհային վարժանքներ են անցկացնում լեռներում
Հայաստանի ռուսական ռազմակայանի հետախուզական ստորաբաժանումների զինծառայողնեն առաջին անգամ ձեռնամուխ են եղել պայմանական հակառակորդի թիկունք ուժերի արագ տեղափոխման գործողությունների մշակմանը: Ինչպես տեղեկացրել են ՌԴ Հարավային ռազմական օկրուգի մամուլի ծառայությունից, ուսումնական միջոցառումներում գործի են դրված Անդրկովկասում Ռուսաստանի զորամիավորման բանակային օդուժի Մի-24Պ հարվածային և Մի-8ՄՏ ռազմափոխադրական ուղղաթիռներ և անօդաչու թռչող ապարատներ:
Պարապմունքների ընթացքում հրահանգիչների ղեկավարությամբ հատուկ նշանակության ջոկատի խմբերը «Կամխուտ» և «Ալագյազ» բարձրլեռնային զորավարժարաններում ծովի մակերևույթից ավելի քան 2 հազար մետր բարձրության վրա գործնական վարժանքներ են անցկացնում և ուսումնասիրում պայմանական հակառակորդի թիկունք վայրէջքի և դեսանտավորման կարգը:
