Կրետեում տարեց մարդը շոգի պատճառով մահացել է
Կրետեում տարեց մարդը շոգի պատճառով մահացել է: Եվս մեկը գտնվում է ծանր վիճակում: Այս մասին հայտնում է «ՌԻԱ Նովոստի»-ն:
Դեպքը տեղի է ունեցել Հերակլիոն քաղաքից ոչ հեռու, որտեղ գրանցվել է 45,9 աստիճան ջերմաստիճան: Տարեց մարդը տեղափոխվել է հիվանդանոց, սակայն նրան փրկել չի հաջողվել:
Ծանր վիճակում հոսպիտալացվել է նաև 40-ամյա վանահայր: Ընդհանուր առմամբ, Կրետեի 27 բնակչի, ովքեր արևային հարված էին ստացել, պահանջվել է բժշկական միջամտություն:
Հունաստանում չորս օր շարունակ ջերմաստիճանը չի իջել 40 աստիճանից: