Երևան Մոլի դիմաց ավտոմեքենա է այրվել. երկու մարտական հաշվարկ է մեկնել
ունիսի 28-ին, ժամը 14:34-ին ահազանգ է ստացվել, որ Երևան քաղաքի Տիգրան Մեծ պողոտա Երևան Մոլի դիմաց այրվում է «ՎԱԶ 2107» մակնիշի ավտոմեքենա:
Դեպքի վայր է մեկնել երկու մարտական հաշվարկ և Ճգնաժամային կառավարման ազգային կենտրոնի օպերատիվ խումբը:
Հրդեհը մարվել է տեղի ուժերով: Այրվել է «ՎԱԶ 2107» մակնիշի 84 MM 444 պետհամարանիշով ավտոմեքենայի սրահը՝ մասամբ:
Փրկարարները հոսանքազրկել են ավտոմեքենան և փակել գազի բալոնի փականը:
Տուժածներ չկան:
