Գերմանիայում կասկածելի խոսակցության պատճառով էվակուացրել են թռիչքի պատրաստվող օդանավը
Քյոլնի օդանավակայանում 167 ուղևորի տեղափոխել պատրաստվող օդանավն անսպասելի էվակուացվել է կասկածելի խոսակցության հետևանքով: Այս մասին հայտնում է «ՌԻԱ նովոստի»-ն:
Նշվում է, որ Niki ավիաընկերության Boeing 737 օդանավն արդեն պատրաստ է եղել թռիչքի դեպի Մալյորկա, երբ երկու ուղևոր դուրս են նետվել օդանավից և անվտանգության աշխատակիցներին հայտնել են, որ կասկածելի խոսակցություն են լսել:
Նրանք հրաժարվել են վերադառնալ իրենց տեղերը: Անվտանգության աշխատակիցները մյուս ուղևորներին ևս խնդրել են լքել օդանավը: Ուղևորների իրերն ուղարկվել են կրկնակի ստուգման, իսկ ուղևորները ստիպված են եղել մնալ սպասասրահում:
Արդյունքում ոչ օդանավում, ոչ ուղևորների իրերի մեջ կասկածելի ոչինչ չի հայտնաբերվել: Մի քանի ժամ անց օդանավը ուղևորվել է Մալյորկա:
