ՀՀԿ-ն ԱԺ նախագահի ու փոխնախագահների թեկնածուների հարցը չի քննարկել
Հայաստանի Հանրապետական կուսակցությունն Ազգային ժողովի նախագահի, փոխնախագահների և հանձնաժողովների նախագահների թեկնածուների հարցը չի քննարկել: ՀՀԿ ԳՄ նիստից հետո լրագրողների հետ հանդիպմանն այս մասին ասաց ՀՀԿ խոսնակ, ԱԺ փոխնախագահ Էդուարդ Շարմազանովը:
«Երբ քննարկենք, դուք կիմանաք արդյունքների մասին: Այս պահի դրությամբ մենք նման հարց չենք քննարկել»,- նշեց Շարմազանովը:
Հարցին` Ազգային ժողովի նախագահի պաշտոնում իր թեկնածությունը քննարկվո՞ւմ է, Շարմազանովը բացասական պատասխան տվեց:
