Վթար Կապան-Գորիս ճանապարհին, մեքենան գլորվել է դեպի անտառը. Իրանի քաղաքացիները տեղափոխվել են հիվանդանոց
Փետրվարի 16-ին, ժամը 20.27-ին տեղեկություն է ստացվել, որ Սյունիքի մարզի Կապան քաղաքի «Չայզամ» լճի հարակից տարածքում տեղի է ունեցել ՃՏՊ, կան տուժածներ. անհրաժեշտ է օգնություն: Դեպքի վայր է մեկնել մեկ մարտական հաշվարկ: Այս մասին հայտնում է ՀՀ արտակարգ իրավիճակների նախարարությունը։
Պարզվել է, որ Մ-2 ավտոճանապարհի Կապան-Գորիս հատվածի 34-րդ կմ-ին «Hyundai Sahta fe» մակնիշի 66D38010 պետհամարանիշով (վարորդ՝ Իրանի Իսլամական Հանրապետության քաղաքացի, 1972 թ. ծնված Յ. Օ. Մահմուդ) ավտոմեքենան դուրս է եկել ճանապարհի երթևեկելի հատվածից և գլորվել դեպի անտառը (մոտ 60 մ): Փրկարարները շտապօգնության ավտոմեքենային են մոտեցրել վարորդին և ուղևորներ ԻԻՀ քաղաքացիներ՝ 1978 թ. ծնված Մ. Հ. Գուլամեդային, 1951 թ. ծնված Ս. Մ. Ահմադին և 1979 թ. ծնված Ա. Ս. Մահմուդին: Վերջիններս տեղափոխվել են Կապան քաղաքի ԲԿ:
Բժիշկները վարորդի և ուղևոր՝ Մ. Հ. Գուլամեդայի առողջական վիճակը գնահատել են միջին ծանրության, իսկ մյուսներինը՝ բավարար: Փրկարարները հոսանքազրկել են ավտոմեքենան:
