ԱՄՆ Գաղտնի ծառայության ղեկավարը հեռանում է իր պաշտոնից
ԱՄՆ Գաղտնի ծառայության ղեկավար Ջոզեֆ Քլենսին պլանավորում է հաջորդ ամիս հեռանալ իր պաշտոնից։ Այս մասին հայտնում է Reuters-ը՝ վկայակոչելով գերատեսչության ներկայացուցչի հայտարարությանը։
Նշվում է, որ նման վերադասավորումների պատճառը Քլենսիի՝ կենսաթոշակային տարիքի հասնելն է։
«Շնորհավորում ենք կենսաթոշակային տարիքի հասնելու կապակցությամբ։ Գաղտնի ծառայության տղամարդիկ և կանայք երախտապարտ են ձեզ 29 տարվա աշխատանքի և ղեկավարության համար»,- ասված է ծառայության պաշտոնական Twitter-ում։
