ԱՄՆ-ում կբացվի Ցեղասպանության ժամանակ փրկված հայկական եզակի գորգերի ցուցադրություն

Փետրվարի 11-ին Մասսաչուսեթս նահանգի Լինն քաղաքի մշակութային ժառանգության թանգարանում կբացվի «Հոգու գաղտնարանները. Ներկայացնելով հայկական ասեղնագործություններ, ժանյակներ ու գորգեր» ցուցադրությունը։

Ցուցադրությանը կներկայացվեն եզակի ձեռագործ աշխատանքներ, որոնք հայ ներգաղթյալները Հայոց ցեղասպանության ժամանակ իրենց հետ Թուրքիայից տեղափոխել են ԱՄՆ։

Բազմաթիվ ցուցանմուշներ Մասսաչուսեթսի հայ համայնքի անդամների ընտանեկան մասունքներ են, որոնք փոխանցվել են սերնդեսերունդ, գրում է Asbarez-ը։
Ցուցադրության համադրողն է ամերիկացի արվեստաբան Քեյթ Լուչինին, որը մի քանի տարի գլխավորել է Լիննի թանգարանը։