52-ամյա կնոջ մոտ քաղցկեղ է հայտնաբերվել. հարկավոր է օգնություն
52-ամյա Անուշ Օհանյանի մոտ քաղցկեղ է հայտնաբերվել, բուժման համար գումար է հարկավոր, որն ընտանիքը չունի։
Այս մասին 168.am-ի հետ զրույցում հայտնեց խմբագրություն դիմած նրա դուստրը՝ Աննա Գյուլնազարյանը։ «Մայրիկիս մոտ քաղցկեղ է հայտնաբերվել՝ 4-րդ աստիճանի։ Սկզբում ասացին, որ չարորակ է, բայց հետազոտությունների արդյունքում պարզվեց, որ հնարավոր է բուժել։ Նախորդ շաբաթ ԿՏ հետազոտության է ենթարկվել։ Ըստ հետազոտության արդյունքների՝ ճյուղավորում է տեղի ունեցել, շտապ բուժում է հարկավոր։ Դրա հետ մեկտեղ՝ խնդիրներ են առաջացել ողնաշարի, լյարդի հետ, և այլն։ Ես չեմ աշխատում, երեխաս փոքր է, մայրս՝ հիվանդ, ամուսինս աշխատում է, բայց բուժման հնարավորություն չունենք»,- ասաց նա՝ նշելով, որ ըստ բժշկի՝ բուժման համար հարկավոր է 430 հազար դրամ։ Ընտանիքը նախապես շնորհակալություն է հայտնում այն անձանց, ովքեր օգնության ձեռք կմեկնեն։
Գումար կարող եք փոխանցել հետևյալ հաշվեհամարով՝ VTB բանկ 4033 1900 0148 8065
