«Ոգևորիչ էր թե՛ թիմի, թե՛ իմ խաղը». Հենրիխ Մխիթարյան
Ֆուտբոլի Հայաստանի ազգային թիմի ավագ և «Մանչեստեր Յունայթեդ»ի 27-ամյա կիսապաշտպան Հենրիխ Մխիթարյանի կածիքով «Վեսթ Հեմի» դեմ խաղում «Կարմիր սատանաները» լավ խաղ ցուցադրեցին:
«Ոգևորված եմ թե թիմի, թե իմ խաղով: Մենք այսօր լավ աշխատանք կատարեցինք և ամեն ինչ արեցինք հաղթանակի հասնելու համար, քանի որ կիրակի «Վեսթ Հեմի» դեմ խաղն անհաջող էր և չստացվեց հաղթանակ տանել, բայց այս անգամ ամեն ինչ ստացվեց: Պետք է շարունակենք այս կերպ»,- խաղից հետո ասել է Մխիթարյանը:
Անգլիական լիգայի գավաթի խաղարկության քառորդ եզրափակիչում «Մանչեստեր Յունայթեդը» «Օլդ Թրաֆֆորդում» հաղթեց 4:1 հաշվով: Մխիթարյանը դարձավ երկու գոլային փոխանցման հեղինակ և երկրպագուների քվեարկության արդյունքում ճանաչվեց հանդիպման լավագույն ֆուտբոլիստ:
Պատրաստեց Անի Գաբուզյանը
