Բանանով հիասքանչ տորթ, որը պետք չէ թխել

«Բանոֆի» տորթը՝ ծնունդով հին բարի Անգլիայից, պատրաստվում է շատ արագ:

Բաղադրիչները.

Հիմքի համար

1. Թխվածքաբլիթ – 300 գ
2. Կարագ – 100 գ

Խճողակի համար

1. Եփված խտացրած կաթ
2. Բանան – 3 հատ
3. Սերուցք – 450 մլ
4. Շաքարի փոշի – 2 ճ/գ
5. Կակաո
6. Սուրճ
7. Շոկոլադ

Պատրաստման եղանակը.

1. Թխվածքաբլիթը մանրացնել բլենդերի միջոցով:

2. Ավելացնել հալած կարագը, լավ խառնել:

3. Ստացված զանգվածը դնել կաղապարի մեջ, մի փոքր սեղմել և 20 րոպե դնել սառնարանում:

4. Հետո զանգվածի վրա հաստ շերտով լցնել եփված խտացրած կաթը:

5. Կտրատել բանանը և շարել զանգվածի վրա:

6. Հարել սերուցքը շաքարի փոշու հետ այնպես, որպեսզի ստացվի պինդ զանգված: Ստացված զանգվածը լցնել հրուշակային պարկի մեջ և սկսել ստեղծագործել:

7. Շաղ տալ կակաո կամ սուրճ, կարելի է վրան լցնել տաք շոկոլադ:

Պատրաստեց Անի Գաբուզյանը