«Վրաստանի կայունությունը շատ բանով կախված է Ռուսաստանի հետ հարաբերություններից». Գեորգի Կվիրիկաշվիլի
Վրաստանի կայունությունը շատ բանով կախված է Ռուսաստանի հետ հարաբերություններից: Այս մասին, ինչպես հայտնում է «Գրուզիա օնլայնը», հայտարարել է Վրաստանի վարչապետ Գեորգի Կվիրիկաշվիլին` ելույթ ունենալով Բաթումի բնակիչների առաջ:
«Վրաստանում կայունությունը չի կարող ապահովվել, եթե մենք չունենանք նորմալ, խաղաղ հարաբերություններ Ռուսաստանի հետ»,- ասել է նա` նշելով, որ վերջին տարիներին Վրաստանի կառավարությունը պրագմատիկ քաղաքականության հաշվին կարողացել է հասնել ՌԴ-ի հետ հարաբերություններում լարվածության մեղմացման:
«Վրաստանը պատասխանատվությամբ է վերաբերվում ՌԴ-ի հետ նորմալ հարաբերությունների հաստատմանը, միևնույն ժամանակ, մենք պետք է հասկանանք, որ դա տեղի չի ունենա Վրաստանի տարածքային ամբողջականության հաշվին»,- ասել է նա:
