Տիգրան Համասյանը դարձել է ECHO Jazz Awards 2016–ի դափնեկիր
Աշխարհահռչակ դաշնակահար Տիգրան Համասյանը հաղթել է Գերմանիայում անցկացվող ECHO Jazz Awards 2016 մրցանակաբաշխությունում: Այս մասին գրում է nonesuch.com կայքը:
Համասյանը «Mockroot» ալբոմի համար լավագույնն է ճանաչվել տարվա միջազգային գործիքավորող անվանակարգում (International Instrumentalist of the Year):
Կայքը տեղեկացնում է, որ ECHO Jazz մրցանակը շնորհվում է Deutsche Phono-Akademie (Ձայնագրման գերմանական ակադեմիա) կողմից. մրցանակաբաշխությունը հավասարազոր է ԱՄՆ-ում անցկացվող «Գրեմմի»-ին: ECHO Jazz 2016 մրցույթի տարբեր անվանակարգերում հաղթած արտիստներն իրենց մրցանակները կստանան Համբուրգում մայիսի 26-ին:
