Զոհված Հովսեփ Կիրակոսյանը երկու անչափահաս որդի ունի
Ռազմական գործողությունների արդյունքում զոհված Հովսեփ Գեղամի Կիրակոսյանը երկու անչափահաս որդի ունի: Նա Արմավիրի մարզի Ապագա համայնքից է: Համայնքի ղեկավարը 168.am-ի հետ զրույցում ասաց, որ նա կոչումով կապիտան է, ծնվել 1988թ.: Հովսեփ Կիրակոսյանի ու նրա ընտանիքի վերաբերյալ համայնքի ղեկավարը միայն դրական կարծիք հնչեցրեց՝ նրան բնութագրելով որպես շատ հանգիստ, շատ խելացի, «շատ կարգին» մարդ:
Նրա խոսքով՝ Հովսեփ Կիրակոսյանը սովորել է Վազգեն Սարգսյանի անվան ռազմական ինստիտուտում, սկզբում տեղափոխվել Ստեփանակերտ, ապա՝ Մատաղիս:
