Մարկո Վան Բաստեն. «Այս ամենը սկսվեց այն ժամանակ, երբ հայտնվեց ներկայիս «Բարսելոնան»»
Լեգենդար հոլանդացի ֆուտբոլիստ Մարկո Վան Բաստենը գովասանքի խոսքեր է հնչեցրել կատալոնական «Բարսելոնայի» հասցեին. «Եթե Բարսելոնան մասնակցեր Աշխարհի առաջնությանը, ապա այն կհաղթեր»:
Վան Բաստենը խոսել է նաև Չեմպիոնների լիգայի մասին՝ այն անվանելով աշխարհի ուժեղագույն առաջնություն: «Աշխարհի լավագույն խաղացողները հանդես են գալիս Եվրոպայում: Ուղղակի տեսեք այն խաղացողների անունները, ովքեր հանդես էին գալիս Չեմպիոնների լիգայի կիսաեզրափակչում: Կարծում եմ, խաղի դիտարժանությամբ ու մակարդակով Չեմպիոնների լիգան գերազանցում է Աշխարհի առաջնությանը: Հիմա Չեմպիոնների լիգան մրցաշար է, որը հաճելի է դիտել: Այնտեղ խփվում են բազմաթիվ գնդակներ, թիմերը խաղում են հարձակողական ֆուտբոլ, խաղերը գեղեցիկ են ստացվում. այս ամենը սկսվեց այն ժամանակ,երբ հայտնվեց ներկայիս «Բարսելոնան»»,- ասել է նա:
Սիրարփի Աղաբաբյան
