ԵՄ-ի երկրներն այսօր հայտարարություն են ընդունելու Ղրիմի վերաբերյալ
Ռուսական РИА Новости լրատվական գործակալության փոխանցմամբ՝ ԵՄ-ի անդամ երկրների արտգործնախարարներն այսօրվա հանդիպման ժամանակ հայտարարություն են ընդունելու Ղրիմի վերաբերյալ՝ կապված թերակղզին Ռուսաստանին անցնելու մեկամյակի հետ:
Դիվանագետների խոսքերով՝ դա կլինի փաստաթուղթ, որում ԵՄ-ի դիվանագիտության ղեկավար Ֆեդերիկիա Մողերինին ԵՄ-ի անդամ 28 երկրների անունից վերստին կհիշեցնի, որ ԵՄ-ը չի ճանաչում Ղրիմի միացումը Ռուսաստանին: Դրա հետ կապված՝ ԵՄ-ը սահմանել է «ղրիմյան» պատժամիջոցների շարք, որոնք գործելու են մինչև 2015 թվականի հունիսի 23-ը:
Եվրոպացի դիվանագետներից մեկն ուրբաթ հայտարարել է, որ սահմանափակիչ միջոցները կարող են երկարաձգվել յուրաքանչյուր պահի՝ անգամ առանց նախարարների քննարկման:
