21-րդ դարում Ռուսաստանի ու Ղազախստանի դաշնակցության մասին պայմանագիրը պատրաստ է վավերացման
Ռուսական РИА Новости լրատվական գործակալության փոխանցմամբ՝ Ռուսաստանի ու Ղազախստանի նախագահներ Վլադիմիր Պուտինն ու Նուրսուլթան Նազարբաևը արձանագրություններ են ստորագրել Ռուսաստանի ու Ղազախստանի միջև 21-րդ դարում բարիդրացիության ու դաշնակցության մասին պայմանագրի վավերացման փաստաթղթերի փոխանակման շուրջ:
Պայմանագիրը գործելու է Ռուսաստանի ու Ղազախստանի միջև Բարեկամության, համագործակցության ու փոխօգնության մասին բազային պայմանագրին զուգահեռ, որը ստորագրվել է 1992 թվականի մայիսի 25-ին:
Պուտինն ու Նազարբաևը դրանից առաջ քննարկել են երկկողմ համագործակցության ու ինտեգրացիոն գործընթացների հարցերը: Նազարբաևը Պուտինին պատմել է իր կիևյան այցի մասին, որն իրականացվել է երեկ:
