Վրաստանի խորհրդարանը հաստատել է 2015 թվականի պետբյուջեն
Новости-Грузия լրատվական գործակալության փոխանցմամբ` Վրաստանի խորհրդարանն ընդունել է «2015 թվականի պետբյուջեի մասին» օրենքը: Դրա օգտին քվեարկել է 82 պատգամավոր: Կանխատեսվում է, որ հաջորդ տարի պետբյուջեի եկամուտները կազմելու են ավելի քան 4.6 միլիարդ դոլար:
Այս մասին հայտարարել է Վրաստանի ֆինանսների նախարար Նոդար Խադուրին, ով խորհրդարանում ներկայացրել է պետբյուջեի նախագիծը: Պլանավորված է, որ 2015 թվականին պետբյուջեի ընդհանուր մուտքերը կկազմեն 5.5 միլիարդ դոլար: Պետբյուջեի հատկացումների ընդհանոր ծավալը կազմելու է 5.4 միլիարդ դոլար:
