Դոնբասի հակամարտության հետևանքով զոհվել է 4634 մարդ. ՄԱԿ
Ռուսական РИА Новости լրատվական գործակալության փոխանցմամբ` ՄԱԿ-ը հրապարակել է Ուկրաինայի հակամարտության ժամանակ զոհվածների թվաքանակի մասին տվյալներ: ՄԱԿ-ի հաշվարկներով` զոհերի թիվը հասնում է ավելի քան 4600-ի: Այս մասին հայտարարել է ՄԱԿ-ի` հումանիտար հարցերի համակարգման վարչությունում:
ՄԱԿ-ի հաշվարկներով` ընթացիկ տարվա ապրիլի կեսերից սկսած` Ուկրաինայի հարավ-արևելքում զոհվել է 4634 մարդ, որոնցից 298-ը մալայզիական «Բոինգի» ուղևորներն են, որը Դոնեցկի մոտ կործանվեց հուլիսի 17-ին: Բացի այդ, վիրավորվել է 10.342 մարդ:
Վերջին գնահատականների համաձայն` մոտ 5.2 միլիոն մարդ բնակվում է հակամարտության գոտում, 567.956 մարդ դարձել է փախստական` լքելով երկիրը: Ուկրաինայի արևելքում ռազմական գործողությունները շարունակվում են 2014 թվականի ապրիլից:
