ԱՄՆ սենատն Օբամային թույլատրել է նոր պատժամիջոցներ սահմանել Ռուսաստանի դեմ
Ռուսական РИА Новости լրատվական գործակալության փոխանցմամբ՝ ԱՄՆ Սենատը նախագահ Բարաք Օբամային իրավունք է տվել Ռուսաստանի դեմ՝ անարգել նոր պատժամիջոցներ սահմանելու համար: Բացի այդ, փաստաթուղթը թույլատրում է ռազմական օգնություն ցուցաբերել Ուկրաինային:
Մասնավորապես, օրենքը նախատեսում է սահմանափակումներ մտցնել օտարազգի ներկայացուցիչների դեմ, եթե ԱՄՆ նախագահը հստակեցնի, որ նրանք խոշոր ներդրումներ են կատարում ռուսական որոշակի նախագծերում, որոնք կապված են նավթային ոլորտի հետ:
Մասնավորապես, կարող են պատժամիջոցներ սահմանվել «Գազպրոմի», «Ռոսօբոռոնէքսպորտի» և ռուսական այլ ընկերությունների նկատմամբ: Փաստաթուղթը նախատեսում է 2015 թվականին Ուկրաինային հատկացնել 350 միլիոն դոլարի ռազմական ուղիղ օգնություն:
