Թուրքիան, Վրաստանն ու Ադրբեջանը մտադիր են ուժեղացնել եռակողմ համագործակցությունը. Չավուշօղլու
Ադրբեջանական Trend լրատվական գործակալության փոխանցմամբ՝ Թուրքիան, Վրաստանն ու Ադրբեջանը մտադիր են ուժեղացնել եռակողմ համագործակցությունը: Այս մասին այսօր Twitter-ի իր միկրոբլոգում գրել է Թուրքիայի արտգործնախարար Մևլյութ Չավուշօղլուն:
Նա հիշեցրել է, որ այսօր Կարսում տեղի է ունենալու Թուրքիայի, Վրաստանի ու Ադրբեջանի արտգործնախարարների եռակողմ հանդիպումը, որի ժամանակ կողմերը մտադիր են քննարկել են այնպիսի նախագծերի իրագործման շրջանակներում համագործակցության հարցը, ինչպիսիք են «Անդրանատոլիական» գազատարը (TANAP) և «Բաքու-Թբիլիսի-Կարս» երկաթուղին (ԲԹԿ):
Եռակողմ հանդիպման ժամանակ քննարկվելու են նաև քաղաքական ու տնտեսական հարցեր: Թուրքիայի, Վրաստանի ու Ադրբեջանի արտգործնախարարների եռակողմ առաջին հանդիպումը տեղի է ունեցել 2012 թվականի հունիսի 8-ին, Տրապիզոնում, երկրորդ հանդիպումը՝ 2013 թվականի մայիսի 28-ին, Բաթումում, իսկ երրորդ հանդիպումը՝ 2014 թվականի փետրվարի 19-ին, Գյանջայում:
