Աֆղանստանում ՆԱՏՕ-ի առաքելությունը պաշտոնապես ավարտված է
CBS News-ի փոխանցմամբ՝ ԱՄՆ-ի ու ՆԱՏՕ-ի ուժերը դեկտեմբերի 9-ին պաշտոնապես ավարտել են իրենց ռազմական ներկայությունն Աֆղանստանում: Գործողության սկսվելուց 13 տարի անց դաշինքի ուժերը լքում են աֆղանական տարածքը:
ԱՄՆ-ի ու ՆԱՏՕ-ի զորքերի հրամանատար Ջոն Քեմփբելը հայտարարել է, որ առաքելությունն անցում է կատարում աջակցություն ցուցաբերելու փուլին: Այդ նպատակով Աֆղանստանի տարածքում կմնա դաշինքի մոտ 13.000 զինծառայող:
Աֆղանստանում ԱՄՆ-ի ու ՆԱՏՕ-ի ուժերի գործողությունը մեկնարկել է 2001 թվականի սեպտեմբերի 11-ի ահաբեկչություններից հետո, երբ հարձակման ենթարկվեցին Առևտրի համաշխարհային կենտրոնի ու Պենտագոնի շենքերը:
