Ղրիմում վերջին մեկ ամսում կործանել են ուկրաինական մի շարք անօդաչու թռչող սարքեր. աղբյուր
Ռուսական РИА Новости լրատվական գործակալության փոխանցմամբ՝ Ղրիմում կենտրոնացած ՀՕՊ-ի ուժերի «Պանցիր» զենիթա-հրթիռային համալիրները (ԶՀՀ) վերջին ամսվա ընթացքում կործանել են ուկրաինական մի շարք անօդաչու թռչող սարքեր (ԱԹՍ), որոնք տարածաշրջանի օդային տիրույթ էին ներթափանցել հյուսիսից:
Այս մասին գործակալությանը հայտնել է Ղրիմի ուժային կառույցներում նրա աղբյուրը. «Թիրախների վրա կրակ են բացել «Պանցիր» ԶՀՀ-ները, որոնց դիվիզիոնը բազավորված է Չոնգար պարանոցի մոտ: Ուկրաինայի կողմից ԱԹՍ-երի թռիչքներն իրականացվում են հետախուզության, այդ թվում նաև ՀՕՊ-ի ուժերի դասավորվածությունն իմանալու նպատակով»:
