Վրաստանի վարչապետը կայցելի Ուկրաինա

Грузия Online-ի փոխանցմամբ՝ Վրաստանի ԱԳՆ-ը պատրաստում է վարչապետ Իրակլի Գարիբաշվիլու այցն Ուկրաինա: Այս մասին լրագրողների հետ ճեպազրույցում հայտարարել է Վրաստանի ԱԳՆ-ի խոսնակ Դավիթ Կերեսելիձեն: Նրա խոսքերով՝ դեռ հայտնի չէ Գարիբաշվիլու ուկրաինական այցի ժամկետը, քանի որ վրացական կողմը սպասում է Ուկրաինայում կառավարության ձևավորմանը:

Կերեսելիձեն հավելել է, որ այցը կնպաստի երկու երկրների անվտանգության ու համագործակցության խորացմանը և ևս մեկ անգամ կհաստատի Ուկրաինայի ժողովրդին Վրաստանի աջակցելը. «Դա կլինի բարձր մակարդակի այց, և հետևաբար մենք պետք է պատրաստ լինենք բոլոր հարցերի շուրջ քննարկումներին»: