Քերին ու Լավրովը քննարկել են Իրանի միջուկային ծրագրի հարցը
![](https://168.am/wp-content/uploads/2014/11/990571959.jpg)
Ռուսական РИА Новости լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովն ու ԱՄՆ պետքարտուղար Ջոն Քերին հեռախոսազրույցի ժամանակ քննարկել են Իրանի միջուկային ծրագրի հարցը: Այս մասին նշված է ՌԴ ԱԳՆ-ի տարածած հայտարարությունում:
Նրանք հաստատել են, որ անհրաժեշտ է շուտափույթ հասնել «Վեցյակի» ու Իրանի միջև համապարփակ պայմանավորվածության՝ հաշվի առնելով նոյեմբերի 11-ին Օմանում Իրանի արտգործնախարար Մոհամմադ Ջավադ Զարիֆի ու միջազգային միջնորդների մասնակցությամբ անցկացված բանակցային հերթական փուլի արդյունքները:
Լավրովն ու Քերին կարևորել են Իրանի միջուկային ծրագրի շուրջ տիրող իրավիճակի հետագա ամբողջական կարգավորումը: Իրանի ու «Վեցյակի» միջև բանակցությունների նոր փուլը նախատեսվում է Վիեննայում անցկացնել նոյեմբերի 18-24-ին: