Ադրբեջանական ընդդիմության հանրահավաքը տեղի կունենա նոյեմբերի 9-ին
![](https://168.am/wp-content/uploads/2014/11/110700095868.jpg)
Ադրբեջանական Turan լրատվական գործակալության փոխանցմամբ՝ ադրբեջանական ընդդիմության բողոքի ակցիան նոյեմբերի 10-ի փոխարեն կայանալու է նոյեմբերի 9-ին: Դրա պատճառն այն է, որ Բաքվի քաղաքապետարանն այդ ակցիայի անցկացումն արտոնել է կիրակի:
Ազգային խորհուրդը դա գնահատել է որպես իշխանությունների կողմից սադրանք, որի նպատակն ընդդիմության կողմնակիցներին ապակողմնորոշելն է ու միջոցառմանը նախապատրաստվելու ժամկետը կրճատելը:
Եվ այնուամենայնիվ, Ազգային խորհուրդը բողոքի ակցիան կանցկացն նոյեմբերի 9-ին: Ակցիայի մասնակիցները պահանջելու են ազատ արձակել քաղբանտարկյալներին ու խորացնել եվրաինտեգրումը: