ԱՄՆ-ում հայտնաբերվել է «երկրորդ Սնոուդեն»
Yahoo News-ի փոխանցմամբ՝ ԱՄՆ Հետաքննությունների դաշնային բյուրոն բացահայտել է կապալառու ընկերության աշխատակցին, ով օգոստոսի սկզբին կարող էր կառավարական գաղտնի տեղեկատվություն փոխանցել Intercept պարբերականին:
Հակահետախույզները խուզարկություն են անցկացրել Էդվարդ Սնոուդենի հավանական համակիրի տանը: Կասկածյալը ԶԼՄ-ներին է հանձնել գաղտնի փաստաթղթեր, որոնք առնչվում են այն անձանց ցուցակին, որոնք կարող են լինել ահաբեկիչներ:
ԶԼՄ-ներում հայտնված գաղտնի նյութերն ավելի ուշ հրապարակվել են Intercept էլեկտրոնային պարբերականում, որի աշխատակիցներից մեկը Սնոուդենի հետ աշխատած ամերիկացի լրագրող Գլեն Գրինուոլդն է: Այդ փաստով Հյուսիսային Վիրջինիայում հարուցվել է քրեական գործ:
