Դավութօղլուն թվարկել է Թուրքիայի թշնամիներին
Թուրքական Anadolu լրատվական գործակալության փոխանցմամբ՝ Թուրքիայի վարչապետ Ահմեթ Դավութօղլուն, Լոնդոնում մեկնաբանելով Քոբանիի իրադարձությունները, հայտարարել է, որ Թուրքիայի թշնամիներն են Սիրիայի նախագահ Բաշար Ասադի վարչակարգը, «Իսլամական պետությունը» և «Քրդստանի աշխատավորական» կուսակցությունը (PKK).
«Մեր սահմանին կա երեք խումբ, որոնց մենք չէինք ցանկանա տեսնել. Սիրիայի նախագահ Բաշար Ասադի վարչակարգ, «Իսլամական պետություն» և PKK: Նրանք բոլորն էլ Թուրքիայի թշնամիներն են»:
Դավութօղլուի խոսքերով՝ Քոբանիի դեպքերը Սիրիական ճգնաժամի միայն մի մասն են: Դավութօղլուն ընդգծել է, որ մինչև չկարգավորվի Սիրիական ճգնաժամը, խոսք լինել չի կարող Քոբանիի պաշտպանության մասին.
«Սիրիայի համար անհրաժեշտ է ամբողջական ռազմավարություն: Քոբանիի հարցը ծագել է մի քանի ամիս առաջ, մինչդեռ Սիրիայի քաղաքացիական պատերազմն արդեն իսկ ընթանում է ավելի քան 3.5 տարի»:
