Ադրբեջանը ցանկանում է Թուրքիայից գնել շարժական դաշտային հոսպիտալներ
Ադրբեջանական Trend լրատվական գործակալության փոխանցմամբ՝ Ադրբեջանը նոր տիպի շարժական ռազմական-դաշտային հոսպիտալների գնման շուրջ բանակցում է թուրքական Turmaks ընկերության հետ:
Այս մասին այսօր հայտարարել է Turmaks ընկերության գլխավոր տնօրենի տեղակալ Իլքեր Հուները: Նրա խոսքերով՝ Ադրբեջանը 2013 թվականին արդեն իսկ իրենցից գնել է երկու շարժական հոսպիտալ.
«Յուրաքանչյուր հոսպիտալը, որն արտադրվել է նախատեսված ժամկետից (6 ամսում) երկու ամիս կարճ ժամանակահատվածում, ունի երկու վիրահատարան, երկու ինտենսիվ թերապիայի սենյակ, մեկ ախտորոշման սենյակ, շտաբ, ատամնաբուժական կաբինետ, դիահերձարան, հիվանդների համար նախատեսված 6 սենյակ և այլն:
Յուրաքանչյուր հոսպիտալը նախատեսված է 60 հիվանդների համար: Մեկ շարժական հոսպիտալի տարածքը կազմում է 2500 քառակուսի մետր: Միևնույն ժամանակ երկու հոսպիտալների ընդհանուր արժեքը կազմել է 13 միլիոն դոլար»:
