«Միստրալ» տիպի առաջին դեսանտանավը Ռուսաստանին կհանձնվի նոյեմբերի 4-ին. աղբյուր
Ռուսական Интерфакс լրատվական գործակալության փոխանցմամբ՝ ֆրանսիական «Միստրալ» տիպի «Վլադիվոստոկ» առաջին բազմանշանակ դեսանտանավը Ռուսաստանին կհանձնվի նոյեմբերի 4-ին: Այս մասին գործակալությանը հայտնել է ռուսական նավաշինական ոլորտում նրա աղբյուրը:
«Ռոսօբոռոնէքսպորտի» գլխավոր փոխտնօրեն Իգոր Սևաստյանովն իր հերթին հայտարարել է, որ Ֆրանսիայի կողմից նավը Ռուսաստանին հանձնելու ակտը պետք է ստորագրվել այս տարվա հոկտեմբերի վերջին կամ նոյեմբերի սկզբին: Ներկա դրությամբ «Վլադիվոստոկը» մանևրում է Բիսկայան ծոցում: Նրանում գտնվում է ավելի քան 200 ռուս նավաստի և նույնքան էլ ֆրանսիացի մասնագետ:
