Աֆղանստանի նախագահի երդմնակալությունից րոպեներ առաջ Քաբուլում պայթյուն է գրանցվել
Բրիտանական Reuters լրատվական գործակալության փոխանցմամբ՝ Աֆղանստանի նորընտիր նախագահ Աշրաֆ Գանի Ահմազդայի երդմնակալության արարողության սկսվելուց րոպեներ առաջ պայթյուն է գրանցվել Քաբուլի օդանավակայանում գտնվող անցակետի մոտ:
Ականատեսները հայտնում են մի քանի զոհի մասին: Ահաբեկչության զոհերի ստույգ թիվը գտնվում է ճշգրտման փուլում: Սրանից օրեր առաջ Աֆղանստանի մայրաքաղաքում խստացվել էին անվտանգության միջոցառումները:
Աշրաֆ Գանիի այսօրվա երդմնակալությունից անմիջապես անց երդում է տվել երկրի վարչապետ Աբդուլլահ Աբդուլլահը, ով նախագահական մրցավազքում Ահմադզայի մրցակիցն էր: Նրանց միջև իշխանությունը բաժանելու մասին համաձայնագիրը ստորագրվել է սեպտեմբերի 21-ին:
