Սուխումում տեղի է ունեցել Ռաուլ Խաջիմբայի երդմնակալության արարողությունը
Ռուսական ИТАР-ТАСС լրատվական գործակալության փոխանցմամբ՝ Աբխազիայի ընտրված նախագահ Ռաուլ Խաջիմբան այսօր երդում է տվել: Նրա երդմնակալությունն անցկացվել է կառավարության մեծ սրահում, դրան ներկա են եղել Գերագույն դատարանի անդամները:
Խաջիմբան հավատարմության երդում է տվել ժողովրդին ու պետությանը, ինչից հետո նրան հանձնել են իշխանության ազգային ատրիբուտները: Աբխազիայի խորհրդարանի նախագահ Վալերի Բգանբան հայտարարել է, որ Խաջիմբայի երդմնակալության արարողությանը ներկա են գտնվել Ռուսաստանի, Մերձդնեստրի, Նիկարագուայի, ԼՂՀ-ի, Հարավային Օսիայի պատվիրակությունները:
Խաջիմբան օգոստոսի 24-ին Աբխազիայում անցկացված նախագահական ընտրությունների արդյունքներով հավաքել է քվեների 50.6 տոկոսը:
