Պուտինը կարող է Մինսկում երկկողմ հանդիպում ունենալ Պորոշենկոյի հետ
![](https://168.am/wp-content/uploads/2014/08/pic_4f4dad12d8a258568c63ff29c3f19903.jpg)
Ռուսական РИА Новости լրատվական գործակալության փոխանցմամբ՝ Կրեմլը չի բացառել, որ Ռուսաստանի ու Ուկրաինայի նախագահներ Վլադիմիր Պուտինի ու Պյոտր Պորոշենկոյի միջև կարող են անցկացվել երկկողմ բանակցություններ: Այս մասին հայտարարել է Ռուսաստանի նախագահի մամլո քարտուղար Դմիտրի Պեսկովը:
Նրա խոսքերով՝ նման հանդիպումը հնարավոր է Մաքսային միության առաջնորդների ու ԵՄ-ի ներկայացուցիչների գագաթաժողովի ժամանակ, որն օգոստոսի 26-ին անցկացվելու է Մինսկում:
Պեսկովն ընդգծել է, որ երկկողմ հանդիպման ժամանակ Պուտինն ու Պորոշենկոն կքննարկեն ուկրաինական ճգնաժամը, հումանիտար օգնության հարցն ու փախստականների հոսքը:
Պեսկովը հավելել է, որ կողմերը կարող են քննարկել նաև ավելի վաղ ձեռք բերված պայմանավորվածությունների պահպանումը, ինչը մասնավորապես վերաբերում է Ուկրաինայի արևելյան շրջանների ու Կիևի միջև ներքին երկխոսությանը: