Ադրբեջանը չի ճանաչում Աբխազիայում անցկացված նախագահական ընտրությունները
Haqqin.az պորտալի փոխանցմամբ՝ Ադրբեջանը չի ճանաչում Աբխազիայում անցկացված այսպես կոչված նախագահական ընտրությունները: Այս մասին հայտնել է Ադրբեջանի ԱԳՆ-ի մամլո ծառայությունը:
Ադրբեջանը վերստին հայտարարել է, որ կտրականապես աջակցում է Վրաստանի ինքնիշխանությանն ու տարածքային ամբողջականությանը, և որ Աբխազիան համարում է Վրաստանի շրջանը:
Աբխազիայի նախագահական ընտրությունները չեն ճանաչել նաև Վրաստանն ու ԵՄ-ը: Աբխազիայում երեկ անցկացված նախագահական ընտրությունների արդյունքներով հաղթել է ընդդիմության թեկնածու Ռաուլ Խաջիմբան:
