Սիրիական հակամարտության հետևանքով զոհվել է ավելի քան 190.000 մարդ. ՄԱԿ
France-Presse լրատվական գործակալության փոխանցմամբ՝ Սիրիայում 3.5 տարի ընթացող զինված հակամարտության հետևանքով զոհվել է 191.369 մարդ: Այս մասին նշված է ՄԱԿ-ի՝ մարդու իրավունքների հարցերով գերագույն հանձնակատար Նավի Փիլեյի զեկույցում:
Նա մանրամասնել է, որ այդ թիվն առնչվում է միայն մահվան գրանցված դեպքերին, մինչդեռ զոհերի թիվն իրականում կարող է լինել էլ ավելի մեծ: Զեկույցի պատրաստման ժամանակ հաշվի է առնվել 5 աղբյուրից, այդ թվում նաև սիրիական իշխանություններից ու իրավապաշտպան կազմակերպություններից ստացված տեղեկատվությունը:
Ցուցակում ընդգրկվել են այն անձինք, որոնց անունն ու ազգանունը, ինչպես նաև մահվան տեղն ու ժամկետը հայտնի են եղել: Փիլեյը հավելել է, որ զոհվածների 85.1 տոկոսը կազմում են տղամարդիկ, իսկ 9.3 տոկոսը՝ կանայք:
