Իսրայելական ավիահարվածի հետևանքով ոչնչացվել է ՀԱՄԱՍ-ի երեք հրամանատար
Բրիտանական The Guardian թերթի փոխանցմամբ՝ ՀԱՄԱՍ-ի զինյալները հայտարարել են, որ Գազայի հատվածի հարավում գտնվող Ռաֆահ քաղաքին Իսրայելի հասցրած ավիահարվածների հետևանքով զոհվել է խմբավորման երեք հրամանատար:
Մասնավորապես, սպանվել են Մոհամմեդ Աբու Շամալան, Մոհամեդ Բարհումը և Ռաեդ Աթթարը: Անցած գիշեր իսրայելական հարձակման հետևանքով զոհվել է 8 պաղեստինցի: Ավիահարվածի հետևանքով Ռաֆահ քաղաքում կործանվել է քառահարկ բնակելի շինություն:
Նախկինի նման անհայտ է մնում ՀԱՄԱՍ-ի ևս մեկ ռազմական առաջնորդի՝ Մոհամեդ Դեյֆի ճակատագիրը: Օգոստոսի 20-ի ավիահարվածի ժամանակ զոհվել էր նրա կինն ու նորածին երեխան: Ենթադրվում է, որ Դեյֆին հաջողվել է փրկվել: Օգոստոսի 20-ի գիշերը դադարեցվել էին կողմերի միջև բանակցությունները:
