Եզդիներին օգնելու համար ՀՀ կառավարությունը հատկացրել է 100 հազար դոլար

Ինչպես տեղեկացնում է ՀՀ կառավարության պաշտոնական կայքը, Իրաքի ներքաղաքական բախումների հետևանքով տուժած և իրենց բնակավայրերից տեղահանված եզդիներին օգնություն տրամադրելու համար գործադիրը հատկացրել է 100 հազար ԱՄՆ դոլարին համարժեք դրամ: Օգնության տրամադրումն իրականացվելու է ՄԱԿ-ի փախստականների հարցերի բարձրագույն հանձնակատարի գրասենյակի միջոցով: Որոշումն ընդունվել է կառավարության այսօրվա նիստում։