Դմիտրի Մեդվեդևը սեպտեմբերի 8-9-ին կժամանի Հայաստան
Ռուսական Regnum լրատվական գործակալության փոխանցմամբ` Ռուսաստանի վարչապետ Դմիտրի Մեդվեդևը սեպտեմբերի 8-9-ին ժամանելու է Հայաստան: Այս մասին հայտարարել է Հայաստանի վարչապետ Հովիկ Աբրահամյանը:
Նրա խոսքերով` համապատասխան պայմանավորվածությունւ ձեռք է բերվել երկու երկրների կառավարությունների ղեկավարների վերջին հանդիպման ընթացքում: Աբրահամյանն ընդգծել է, որ օգոստոս-սեպտեմբերին հանդիպումներ են պլանավորված Վրաստանի, Իրանի ու Ռուսաստանի իր գործընկերների հետ` երկկողմ հարաբերությունների հետագա ակտիվացման համար:
Սեպտեմբերի 15-17-ին ակնկալվում է Հովիկ Աբրահամյանի այցը Իրան, իսկ օգոստոսի 21-22-ին պաշտոնական այցով Հայաստան կժամանի Վրաստանի վարչապետ Իրակլի Գարիբաշվիլին:
