Երկու տարում որսագողերն Աֆրիկայում սպանել են մոտ 100.000 փղի
Ռուսական Интерфакс լրատվական գործակալության փոխանցմամբ` երկու տարում որսագողերն Աֆրիկայում սպանել են մոտ 100.000 փղի: Նման միտման պահպանման դեպքում աֆրիկյան փղերը կարող են իսպառ անհետանալ: Գիտնականները հաշվարկել են, որ կտրականապես աճել է փղերի շրջանում բռնի մահացաության մակարդակը:
Հետազոտողների տվյալներով` որսագողերը 2010-2012 թվականներին ոչնչացրել են մոտ 100.000 Երկրի խոշորագույն կաթնասուն: Փղերի որսի ակտիվացումը կապված է Չինաստանում և ասիական այլ երկրներում նրանց ոսկորի պահանջարկի մեծացման հետ: Վերջին գնահատականներով` վայրի բնության մեջ մնացել է մոտ 500.000-600.000 փիղ: Նրանք ընդգրկված են Միջազգային Կարմիր գրքում:
