Պուտինն ամռանը Ղրիմ այցելած միակ զբոսաշրջիկն է. ԱՄՆ պետդեպարտամենտ
ZN.UA-ի փոխանցմամբ՝ ԱՄՆ պետդեպարտամենտը Ռուսաստանի նախագահ Վլադիմիր Պուտինին անվանել է Ղրիմ այցելած միակ զբոսաշրջիկ: Պետդեպարտամենտի ներկայացուցիչ Մարի Հարֆն այդ մասին հայտարարել է լրագրողների հետ ճեպազրույցում՝ մեկնաբանելով Պուտինի այցը թերակղզի.
«Որքանով որ լսել եմ, նա փաստացիորեն միակ զբոսաշրջիկն է, ով այնտեղ է այցելել այս ամռանը: Ռուսաստանի ներխուժումից հետո ամբողջովին անկում է ապրել Ղրիմի զբոսաշրջային ոլորտը: Մարդիկ չեն մեկնում այնտեղ: Ռուսաստանի տնտեսությունը թուլանում է, քանի որ Ղրիմը վիթխարի բեռ է հանդիսանում Ռուսաստանի համար»:
