Մոսկվայի քաղաքային դատարանը Լևոն Հայրապետյանի փաստաբանների բողոքը կդիտարկի օգոստոսի 15-ին
![](https://168.am/wp-content/uploads/2014/08/levon-hayrapetyan.png)
Ռուսական Интерфакс լրատվական գործակալության փոխանցմամբ՝ ռեժիսորներ Մարկ Զախարովն ու Ալեքսանդր Շիրվինդտը, ինչպես նաև Ռուսաստանում Հայ առաքելական եկեղեցու ղեկավարը խնդրել են անձնական երաշխիքների ներքո կալանքից ազատ արձակել ձեռնարկատեր Լևոն Հայրապետյանին:
Բացի այդ, Լևոնի եղբայր Վլադիմիրը պատրաստ է այդ նպատակով 30 միլիոն ռուբլի գրավ դնել կամ էլ ավելի մեծ գումար, եթե այդպես կորոշի դատարանը: Հայրապետյանի փաստաբանները ներկայացրել են մի շարք կլինիկաների հետազոտությունների արդյունքները, որոնց համաձայն, Հայրապետյանը ոչ վաղ անցյալում ենթարկվել է սրտի վիրահատության, որ նա ունի սրտանոթային համակարգի հետ կապված խնդիրներ:
Ուղիղ նիստի ժամանակ վատթարացել է Հայրապետյանի ինքնազգացողությունը, ինչի պատճառով Մոսկվայի քաղաքային դատարանը նրա փաստաբանների բողոքի դիտարկումը հետաձգել է օգոստոսի 15-ին: