ԵՄ-ը փոխհատուցում կվճարի ռուսական պատժամիջոցներից տուժած եվրոպական երկրներին
![](https://168.am/wp-content/uploads/2014/08/pic_f3a2aac45b5d9f9de45d79f1a6ed64e0.jpg)
Дождь հեռուստաալիքին տված հարցազրույցում Մոսկվայում ԵՄ-ի դեսպան Վիագուդաս Ուշացկասը հայտարարել է, որ ԵՄ-ը փոխհատուցում կվճարի եվրոպական այն երկրներին, որոնք կտուժեն Ռուսաստանի սահմանած պատժամիջոցներից: Նա հավելել է, որ ԵՄ-ն ու Ռուսաստանն ունակ են կարգավորել հարաբերությունները` նպաստելով Ուկրաինայի հակամարտության ապաէսկալացմանը.
«Մենք բոլորս շահագրգռված ենք Ռուսաստանի հետ լավ հարաբերություններում: Ռուսաստանի աջակցությամբ մենք կարող ենք լուծել Ուկրաինայում իրավիճակի կայունացմանն առնչվող կարևոր հարցեր»: Դեսպանն ընդգծել է, որ իրեն հայտնի չէ, թե արդյոք ռուսական ընկերությունները կարո՞ղ են եվրոպական ապրանքներ գնել Մաքսային միության երկրներում: Դեսպանը մանրամասնել է, որ օգոստոսի 7-ին իր հայտնած 12 միլիարդ եվրոն վերաբերում է ԵՄ-ի ու Ռուսաստանի միջև մթերքի շրջանառության ընդհանուր գումարին և ոչ թե Ռուսաստանի կողմից բեռնարգելք դնելուց եվրոպական երկրների կորուստներին: