Պուտինը ՌԴ Անվտանգության խորհրդի մշտական անդամների հետ քննարկել է Ուկրաինայի հարցը
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինն օպերատիվ խորհրդակցություն է անցկացրել Ռուսաստանի Անվտանգության խորհրդի մշտական անդամների հետ: Այս մասին հայտարարել է պետության ղեկավարի մամլո քարտուղար Դմիտրի Պեսկովը:
Նրա խոսքերով՝ հանդիպման ժամանակ կողմերը քննարկել են Ուկրաինայի արևելքում տիրող իրավիճակը՝ շեշտադրում կատարելով այնտեղ տիրող հումանիտար աղետի աղետալի չափերի մեծանալու վրա:
Պեսկովը հավելել է, որ քննարկվել են նաև Ռուսաստանի տնտեսական անվտանգությանն առնչվող հարցեր: ՄԱԿ-ի տվյալներով՝ ապրիլի կեսից մինչև հուլիսի 26-ն Ուկրաինայում սպանվել է ավելի քան 1100 և վիրավորվել է ավելի քան 3400 խաղաղ բնակիչ:
