Վենեսուելան մտադիր է Ռուսաստանից ու Չինաստանից գնել ժամանակակից սպառազինություն
Noticias24 պարբերականի փոխանցմամբ` Վենեսուելայի նախագահ Նիկոլաս Մադուրոն հայտարարել է, որ իր երկիրը մտադիր է Ռուսաստանից ու Չինաստանից գնել սպառազինության նոր խմբաքանակներ` մեծացնելու համար սեփական ռազմական հզորությունը:
Մադուրոն հայտարարել է, որ տվյալ հարցի շուրջ խոսել է Ռուսաստանի նախագահ Վլադիմիր Պուտինի ու Չինաստանի նախագահ Սի Ծինփինի հետ, և շատ շուտով կմեկնարկի այն հանձնաժողովի աշխատանքը, որը զբաղվելու է առավել ժամանակակից սպառազինության գնմամբ, ինչը կամրապնդի երկրի ռազմական հզորությունը:
Ավելի վաղ հաղորդվել էր, որ Վենեսուելան 2012-2015 թվականներին Ռուսաստանից սպառազինություն գնողների թվում հայտնվելու է երկրորդ տեղում` զիջելով միայն Հնդկաստանին:
