Հայաստանի տնտեսությունը շարունակում հրաշքներ գործել նաև վարչապետ Հովիկ Աբրահամյանի կառավարության օրոք. «Ժողովուրդ»
«Ժողովուրդը» գրում է. «Հայաստանի տնտեսությունը շարունակում հրաշքներ գործել նաև վարչապետ Հովիկ Աբրահամյանի կառավարության օրոք:
Այս տարվա առաջին կիամյակում ՀՀ տնտեսությունն աճել է 3.4 տոկոսով. այս տվյալները երեկ հրապարակել է ՀՀ Ազգային վիճակագրական ծառայությունը: Նկատենք, որ Հովիկ Աբրահամյանի կառավարությունն այս տարվա համար խոստացել է ապահովել 4 տոկոս աճ:
Ընդ որում, այս տարվա առաջին եռամսյակում, երբ վարչապետը Տիգրան Սարգսյանն էր, տնտեսական աճը պաշտոնական տվյալներով կազմել է 3.3 տոկոս, իսկ Աբրահամյանի օրոք, երեք ամիսների ընթացքում այն ավելացել է ընդամենը 0.1 տոկոսով: Սա, թերեւս, բավականին «խոսուն» կերպով ի ցույց է դնում կառավարության գործունեության արդյունավետությունը:
Ամբողջությամբ կարդացեք «Ժողովուրդի» այսօրվա համարում։
